राष्ट्रिय स्वतन्त्र पार्टी (रास्वपा)मा स्वेच्छिक शुल्क तिरेर सदस्यता लिन पाइने भएको छ। मंगलबार संसदीय दलको कार्यालय सिंहदरबारमा बसेको पार्टी सचिवालयको बैठकले सदस्यताबारे यस्तो व्यवस्था गरेको हो ।

रास्वपाले यसअघि सदस्यता शुल्क एक हजार रुपैयाँ कायम राखेकोमा अब त्यसमा बढाएर, घटाएर वा स्वेच्छिक शुल्क तिर्न सकिने व्यवस्था गरिएको महामन्त्री मुकुल ढकालद्वारा हस्ताक्षरित विज्ञप्तीमा उल्लेख छ ।

त्यस्तै पार्टीको विभिन्न तहगत निकायका पदाधिकारी तथा सदस्यहरूले पार्टीमा बुझाउनुपर्ने वार्षिक लेबी शुल्कलाई परिमार्जन गरिएको, सार्वजनिक प्रशासनसम्बन्धी अध्ययन कार्यदल र ऊर्जा नीति कार्यदलको म्याद तीन महिना थप गर्ने निर्णय गरिएको विज्ञप्तीमा उल्लेख छ ।

तलको विज्ञप्ति हेर्नुहोस :