अर्घाखाँचीको शितगंगा –१२ पत्थरकोटमा रहेको श्री मजुरे डाँडा सामुदायिक वन उपभोक्ता समूहको २९ औं बार्षिक साधारणसभा सम्पन्न भएको छ ।
साधारण सभामा बोल्दै प्रमुख अतिथि वडा अध्यक्ष चोप बहादुर घर्तीले वन संरक्षणसंगै सम्बर्धनमा अघि बढ्नुपर्ने बताए । विशिष्ट अतिथि वाणगंगा सव डिभिजन वन वरिष्ठ अधिकृत अर्जुन प्रसाद चापागाइले नेपालको समृद्धिका लागि वन क्षेत्र उपयुक्त माध्यम भएको बताउँदै सामुदायिक वनको विकासका लागि आफुले कार्यालयको तर्फबाट र आफ्नो तर्फबाट सहयोग रहने बताए । वनलाई अध्ययन अनुसन्धानको थलो बनाउनुपर्ने बताउँदै वन क्षेत्रमा जडिबुटि र वन्यजन्तुको संरक्षण एवं आयआर्जनको काम समेत गर्नुपर्ने धारणा राखे ।
साधारणसभामा संस्थाका अध्यक्ष प्रदिप बिसीले प्रगति प्रतिवेदन, कोषाध्यक्ष तुल्सिराम पन्थीले आयव्यय विवरण र सचिव रमा बेल्बासेले सचिवको प्रतिवेदन प्रस्तुत गरेका थिए ।
शितगङा नगरपालिका नगरकार्यपालिका सदस्य विष्णु भट्टराई, वरिष्ठ फरेस्टर एम केसी, वन रक्षक शुनिल घर्ती मगर, स्थानिय समाजसेवी, अगुवा लगाएतको उपस्थितिमा सम्पन्न भएको कार्यक्रमको संचालन सचिव रमा बेल्बासेले गर्नुभएको थियो ।
कार्यक्रममा बोल्दै अध्यक्ष प्रदीप बिसीले वन सबै जनताको भएकोले वनको आगामि अनुमानित बजेट १ करोड १० लाख रुपैयाँ सबै टोललाई समानन्तर तरिकाले विनियोजन गरि विकासका काम गर्ने बताउनुभयो ।
कार्यक्रममा ३० जना जेष्ठ नागरिक र ६ जना अपाङ्ग हरुलाई नगद सहित समान गरिएकोथियो ।
