इलाका प्रहरी कार्यालय गोरुसिङे कपिलवस्तुले ब्राउन सुगर जस्तै देखिने खैरो पदार्थ सहित ५ जनालाई पक्राउ गरेको छ । पक्राउ पर्नेमा पाचै जना पुरुष रहेका छन् ।
बुद्धभुमि नगरपालिका वडा नम्बर ८ बनकट्टीबाट ९५० मिलिग्राम लागु औषध (ब्राउन सुगर जस्तै देखिने खैरो पदार्थ) सहित उनीहरुलाई प्रहरीले पक्राउ गरेको हो । पक्राउ पर्नेमा बुद्धभुमि –८ बस्ने वर्ष २८ का दधिराम भुसाल, बुद्धभुमि नगरपालिका वडा नम्बर ८ कै वर्ष ३१ को सागर सुनार बुद्धभुमि ८ कै नविन बस्नेत, सरोज खनाल र बुद्धभुमि ५ बस्ने वर्ष ३० का जगदिश यादव रहेका छन् ।
लागुऔषधको अवैध कारोबार भईरहेको गोप्य सूचनाका आधारमा उनीहरुलाई पक्राउ गरिएको इलाका प्रहरी कार्यालय गोरुसिङेका प्रहरी प्रमुख बिर बहादुर सुनारले जानकारी दिए ।
उनले लागु औषध नियन्त्रण ऐन, २०३३ बमोजिम पहिलो पटकका लागि जिल्ला अदालत, कपिलवस्तुबाट ७ दिनको म्याद थप गरी आवश्यक अनुसन्धान प्रकिया अगाडि बढाएको बताए ।
उनिहरुको साथबाट नेपाली नगद रुपैयाँ ३९ हजार ५ थान मोबाइल र एउटा भारतिय मोटरसाइकल बरामद गरिएको प्रहरी निरीक्षक बिर बहादुर सुनारले बताए ।
