खिम अधिकारी,अर्घाखाँची।
–जिल्लाको शितगंगा नगरपालिकामा सामाजिक विकास मन्त्रालय प्रदेश नं. द्धारा संचालित ५२ दिने गणित तथा विज्ञान अतिरिक्त कक्षाको समापन भएको छ ।
तालिमको समापन गर्दै नगरप्रमुख सूर्यप्रसाद अधिकारीले प्रदेश सरकार र शितगंगा नगरपालिकाबाट गणित र विज्ञान विषय अध्यान गर्न विद्यार्थीहरुलाइ अप्ठ्यारो हुनाले यो बर्ष देखि अगाडी बढाएको बताए ।
उनले शिक्षकले बढी मिहिनेतका साथ कक्षा सञ्चालन गरेकोमा धन्यवाद व्यक्त गरे । यो विद्यार्थीहरुको लागि अवसर भएकाले सफलताको शुभकामना व्यक्त गरे । अतिरिक्त कक्षाबाट ज्ञान लिएको पाइएको छ । जसरी शिक्षकले मेहनतका साथ पढाए, त्यसरी नजिता पनि विद्यार्थी भाइ बहिनीले अभिभावकको शिर उच्च गराउँन आग्रह गरे ।
दश वर्ष सम्म मेहनत गरेर पढेलेखेको अब अन्तिम अवसर भएको बताए । कार्यक्रममा वडा अध्यक्ष दमोदर अधिकारीले विद्यार्थीलाई परिक्षामा सफलता भई नगरपालिकाको शिर उच्च बनाउँनका लागी शुभकामना व्यक्त गरे । कार्यक्रम शंकर अर्यालको अध्यक्षता र दहलबहादुर थापाको सञ्चालनमा सम्पन्न भएको हो ।
