मङ्लबार, माघ १४, २०७६

संचारकर्मी क्षेत्रीद्वारा जन्मदिनको अवसरमा शैक्षिक सामग्री वितरण

हरि आचार्य, कपिलवस्तु । जन्मोत्सव मनाउँने पश्चिमेली संस्कृति भित्री रहेका बेला एक नयाँ अनि सकारात्मक उदाहरण बनेकी छन् सञ्चारकर्मी अनिता क्षेत्री । विदेशी फिल्म र टेलिसिरियलहरुमा देखाइने जन्मदिन मनाउने प्रचलनलाई नेपाली समाजले स्वाट्टै कपि गर्दा अध्यारोबाट उज्यालोतर्फ अघि बढ भन्ने मुल सन्देश बोकेको संस्कृति हुँदाहुँदै पनि त्यसको ठिक उल्टो उज्यालोबाट अध्यारो तर्फको बाटो हिँड्न खोजेको देखिन्छ ।

 

विभिन्न होटल तथा रेष्टुरेण्टहरुमा धेरै मानिस जम्मा गरि केक काटेर, मदिरा सेवन गरेर, गाएर अनि नाँचेर रमाईलाको साथ जन्मोत्सव मनाउने प्रचलन हाम्रो समाजमा सजिलै देख्न पाईन्छ । अझ अर्को कुरा जन्मदिनमा साथीहरुलाई भेला गराई विभिन्न खानाका परिकारहरु खान नदिए सम्बन्ध नै चिसिने जस्ता उदाहरणहरु पनि छन् हाम्रो समाजमा ।

 

तर समाजमा यस्ता पनि व्यक्ति छन् जस्ले स–सानमा वालवालिकाहरु संग जन्मोत्सव मनाउछन् ती हुन् सञ्चारकर्मी अनिता क्षेत्री । उनले आफ्नो २२ औँ जन्मोत्सव एक पृथक तरिकाले मनाएकी हुन् । २२ औँ जन्मोत्सवको अवसरमा खर्च हुने पैसालाई सञ्चारकर्मी क्षेत्रीले स–साना वालवालिकाहरुको भविष्यमा खर्च गरेकी हुन् ।

 

अर्घाखाँचीको शितगंगा नगरपालिका वडा नं. १३ डोडुवामा रहेको मालिका आधारभुत विद्यालयका सम्पुर्ण विद्यार्थीहरुलाई शैक्षिक समााग्रि वितरण गरि जन्मोत्सव मनाएकी हुन् । आफुले विद्यालय शिक्षा सुरु गरेको विद्यालयका कक्षा शिशु देखि कक्षा ३ सम्मका वालवालिकाहरुलाई एक एक थान किताब बोक्ने झोला, कापि र पेन्सिल वितरण गरि वालवालिकाहरुलाई खुसी बनाएकी हुन् ।