बुधबार, मंसिर २१, २०७९

Ratopress

Advertisment

SKIP THIS

कपिलवस्तुका बेल्बासे बने ‘आर्किटेक सेलेब्रेटी’

रातो प्रेस डटकम/कपिलवस्तु ।

अहिले समाजिक सञ्जाल टिकटक लोकप्रिय सञ्जाल हुदै आएको छ । यसको प्रयोगकर्ता नेपाल सहित विश्वभर नै बढिरहेका छन् । सञ्जालको सदुपयोग र दुरुपयोग समेत दुबै हुँदै आएको पाईन्छ । तर यसको सहि सदुपयोग गर्नेहरुले राता–रात नै सेलिब्रेटी बन्ने गरेका छन् । कपिलवस्तुको पत्थरकोट घर भइ बुटवलमा विल्ड संसार नेपाल प्रा.लि. सञ्चालन गर्दै आएका बिजय बेल्बासेले रुपन्देहीमा पहिलोपटक आर्कीटेक डिजाईनमा थ्रिडी सिनेमाको प्रयोग सुरुवात गरेका थिए ।

अहिले आएर विजय बेल्बासे पछिल्लो समयमा ‘आर्कीटेक टिकटक सेलीब्रेटी’ बनेका छन् । उनको व्याक्तिगत टिकटक एकाउन्टमा हाल सम्म ९० हजार भन्दा बढि फलोअर्स रहेका छन् ।

आफ्नो टिकटक एकाउन्टमा खासगरी थ्रिडी डिजाईनको घर, भवन, बगैचा लगायतका डिजाईन प्रस्तुत गर्दै आएका उनलाई सोही टिकटकबाट नै देशका विभिन्न स्थानमा घर, भवन, बगैचा लगायतका डिजाईन बनाउन अर्डर आउने गरेको छ । उनी भन्छन्–‘पुर्वमा मेची देखि पश्चिम महाकाली सम्मका टिकटक हेरेर आफ्नो घरको नक्सा, थ्रिडी डिजाईन बनाउन अर्डर दिनेहरुको संख्या दिन प्रतिदिन बढिरहेको छ ।’

उनले आफ्नो एकाउन्टमा राखेको भिडियोमा १३ लाख देखि ७६ लाख सम्म भ्युज पुगेका भिडियोहरु छन् । यति मात्रै होईन उनले प्रयोग गर्ने ह्यासट्याग विजय बेल्बासेमा हाल सम्म २ करोड १२ लाख भन्दा बढि भ्यूज पुगेको छ ।